Krenar me djemt tanë.

 

 

Për herë të parë ne Histori.
Takimi i Motoristave Shqiptarë në të gjitha Trojet Shqiptare.
Motoristët Shqiponjat edhe në këtë sezonë të pushimeve verore 2018 kur edhe Mërgata Shqiptare është në vendlindje organizon takimin e dymbëdhjetë TRADICIONAL dhe madhështorë të motoristëve!

Shqiponjat e Zvicrës nisin varganin nga Europa për tu takuar ne Tetovë me vëllezërit e Shqipërisë, Kosovës, Maqedonisë…
Tri ditë dhe dy netë ështe udhëtimi jonë i përbashkët në perlën e bukur të trojeve Shqiptare, ku Shqiponjat ngritën folenë prej kur Zoti edhe i krijoi.
Takim madhështorë dhe i madh si kurrë më parë, koncert në Tetovë me (Bryan Adams-in) Shqiptarë SHKUMBIM ISMAILIN.

Itinerari i takimeve 2018 të SHQIPONJAVE janë këto Kryeqendra:

🇦🇱 Maqedoni / Tetovë (27.07.2018)
🇦🇱 Shqipëri / Tiranë (28.07.2018)
🇦🇱 Kosovë / Prishtinë (29.07.2018)

Për më shumë informata dhe detaje rreth mbarëvajtjes së takimit TRADICIONAL mund të na kontaktoni në çdo kohë.

Ftojmë të gjitha klubet Shqiptare të motoristëve si dhe individ të na bashkohen në takimin e mirëorganizuar dhe tradicional „SHQIPONJAT NË VENDLINDJE 2018“.
Pjesëmarrja Juaj do të na gëzonte, do të na bënte krenar dhe do ti jepte ngjyrë madhështore këtij Tour-Takimi tradicional dhe mbarëshqiptar!

Me respekt klubi i motoristëve „SHQIPONJAT“

Biografia e klubit motoristik Shqiptar “SHIPONJAT”

Klubi Motorristik “SHQIPONJAT” ka një biografi të shkurtë por të ngjeshur. Të flasësh për historikun e klubit motoristik “SHQIPONJAT” nuk duhen shumë fjalë, por të përshkruash dëshirën për formimin e këtij klubi fjalët janë të pakta.
Edhe pse themelimi i klubit “SHQIPONJAT” daton prej vitit 2003, duhet të theksohet se është dashur një punë dhe organizim grandioz për të ariturr deri te themelimi i klubit. Duke parë kërkesën dhe nevojën për një organizim të tillë, duke parë rininë dhe motoristët që bredhnin rrugëve pa fund të Zvicrës sikur Shqiponjat pa fole, lindi ideja për formimin e një klubi të tillë. Me iniciativën e kryetarit të parë Sali Vejseli dhe disa shokëve të tjerë, të cilët e vërenin një rini të tillë të dezorganizuar me 28.05.2003 u bashkuan mendimet dhe u formua ky klub.

Prej kur u formua Klubit Motorristik “SHQIPONJAT” është bërë bujë e madhe në rininë Shqiptare në Zvicër, por jo vetëm kaq, momentalisht i’a ka zili jo vetëm rinia Shqiptare në diasporë, por edhe ajo në vendlindje, në Kosovë, Maqedoni, Shqipëri, Kosovë Lindore, Malësi të Madhe e më gjërë. Poashtu qellimi i klubit ishte që t’i afroj sa më tepër rininë në përgjithesi, me organizime dhe takime të shpeshta, defile të ndryshme motoristike, ku shtrohen biseda të ndryshme gjatë takimeve, aq sa ju kane lakmi edhe moshatarët e vendit ku veprojnë.
Ëndërra e kahmotëshme e Klubit “SHQIPONJAT” ka qenë të organizonte një takim madhështor në vendlindje dhe ajo ëndërr u realizua më 29 Korrik 2006 duke ju falenderuar SHPK-së, T.M.K-së dhe qendrave mediale Radiotelevizive që përcollën këtë takim spektakular dhe të paharruar për botën Shqiptare.